Attualità

Corte d'appellu di Bastia

A corte d’appellu di Bastia hà assoltu Jacques Mariani è Aurelie Merlini, chi cumparianu per arrubecciu è tentativa di scruccuneria nant’à a rivendita d’oliu essenziale à u preghjudiziu di a sucietà L’Occitana in Pruvenzia.  Jacques Mariani ferma quantunque in prigiò postu chì di dicendre scorsu hè statu cundannatu à 6 sei anni d’imprigiunamentu da u tribunale currezziunale di Marseglia per estursione di fondi.

A corte d’appellu di Bastia hà dichjaratu culpevule à Pierre Siméon de Buocherg, anzianu merre di Prunelli di Fium’Orbu, per fastidiu murale contr’à a so direttrice generale di i servizii Isabelle Peignon trà settembre 2016 è lugliu 2017. Hè statu cundannatu à 3 mesi di prigiò in casa cù un braccialettu elettronicu è à 25 000 euri d’amenda.