Attualità

Creazione di u Premiu Chloé Aldrovandi, a scola per a legalità

In omagiu à a giovana Chloé Aldrovandi, tomba u 15 di ferraghju scorsu, u retturatu di Corsica è a famiglia di a vittima anu presentatu oghje in Corti u premiu accademicu “Chloé Aldrovandi-A Scola per a Legalità”. Un’opera in u quadru di u percorsu pedagogicu di sensibilisazione di l’elevi à e pratiche maffiose. U scopu hè di ricumpensà l’iniziative è travaglii di l’elevi à prò di a prumuzione di u Statu di dirittu, di a citadinanza, di u spiritu criticu è di i valori republicani contr’à i fenomeni di a criminalità organisata.