Attualità

Elezzione di u novu Papa : u cardinale Bustillo ùn hà fattu a so scelta

U cardinale Bustillo hà resu un omagiu cumossu à Papa Francescu dopu a so sparizione, parlendu d’un papa liberu, è amintemu quantu hè stata storica è cumuvente a so ghjunta in Corsica. Cuncernendu l’elezzione di u futuru papa, quellu chì participerà per a prima volta à u cunclavu, hà dichjaratu ùn avè ancu fattu a so scelta è vule dassi u tempu di a riflessione è di l’ascolta.

L’esequie di Papa Francescu seranu celebrate in Roma, in a basilica Santa maria Maggiore, issu sabbatu 26 d’aprile cù a participazione di Gilles Simeoni pè riprisentà a Corsica. U presidente di l’Esecutivu li hà resu omagiu sta mane à l’Assemblea di Corsica. Dipoi eri a so salma hè sposta in a basilica Santu Petru induve millaie di cristiani li testimunieghjanu à a so affezzione. U cunclavu principierà trà u 6 è l’11 maghju prussimi.