Attualità

Fine di u blucchime di i porti

A l’esciuta di a riunione tenuta eri in Prefettura d’Aiacciu, u sindicatu per a difesa di i pescadori corsi hà messu un termine à u blucchime di i porti corsi è u trafficu marittimu hè ripigliatu prugressivamente eri sera. U sindicatu rivendicava l’equità di u prezzu di  carburante senza tassa trà u cuntinente è a Corsica, è a parità per tutti i piscadori. A Cullettività di Corsica s’hè ingasgiata à piglià in contu a differenza di u prezzu à a pompa è una cumissione di regulazione deve esse stabilita.