Attualità

I risultati di Naziunale 2 è 3

In Naziunale 2, U Borgu hà pigliatu a suprana à a squadra di Beauvais (2/0) è cunfirma a so vulintà di compie a stagione à una bella piazza à a classifica. L'AS furiani Agliani si dispiazza oghje in Chambly, anch'ellu in cerca di prugressione.

In Naziunale 3, gruppu E, u GFCA hè statu battutu da Drancy 2/3 à dumiciliu è firma una decesima partita senza vittoria. U FC Balagna hà persu in Metz 2/1 senza riesce à strappà l'egalisazione

In u gruppu H, Lucciana rivene da u FC Riviera cù u puntu di a parità contr'à un cuncurrente direttu à u mantenimentu.

In u gruppu D, u SCB si spiazzava eri sera nant’à u terrenu di Le Havre Caucriauville è hà firmatu una bella vittoria (1/3) chì li permette di vince una piazza à a classifica è d'accede à a quarta piazza