Attualità

I risultati di Naziunale

In Naziunale 3, u SCB hà vintu cun assai caratteru un bon puntu in Aubervilliers (0/0) è si mantene à u pede di u podiumu. U FC Balagna s'hè affundatu in casa soia contr'à Charleville (0/3).

Amintemu chì  squadra di u Gallia Lucciana hà vintu in Liò (1 à 0) è firmatu una terza vittoria da fila chì li permette d’allutanassi di a zona di rilegazione è di puntà à a decesima piazza di a classifica cù 21 punti.

U GFCA hà persu contr’à  a riserva di Lilles 4 à 3 malgradu una bella oppusizione è l’aiaccini fermanu quarti à a classifica. 

In naziunale 2, u FC Borgu hà riannudatu cù a vittoria contr'à Biesheim (2/1) è punta à l'ottesima piazza di a classifica. Furiani hà vintu nant'à u terrenu di Colmar (1/2) è si mantene quartu, à una manata di punti di Bourges è Dieppe, respettivamente secondu è terzu.