Attualità

Seguita ghjudiziaria di u prugettu di situ di sutterramentu in Ghjuncaghju

U tribunale amministrativu di Bastia hà esaminatu oghje un ricorsu di a sucetà rispunsevule di prugetu di u situ di sutterramentu in Ghjuncaghju. L’ogettivu hè d’ottene una derugazione à u regime di preservazione di e spezie prutette pè rialisà i travaglii. In u 2020, a sucetà avia ottenutu l’annullazione di u decretu prefetturale chì pruibia i travaglii. In casu di nova vittoria davant’à u tribunale amministrativu, u cantieru puderebbe principià ancu sì un appellu hè furmatu. A risposta serà cunnisciuta da quì à un mese.