Attualità

Inchiesta dopu à a cunferenza di u FLNC-Unione di i Cumbattenti

Un’inchiesta preliminare principalmente  pè “associu di malfattori in vista d’appruntà atti di terrurismu” hè stata aperta da a procura naziunale antiterrurista. L’inchiesta porta dinù nant’à l’acquistu, a detenzione è u trasportu d’arme, di munizione o d’elementi d’arme di categuria A è B in leia cù un’impresa terrurista”. 

Ammintemu chì u FLNC Unione di i Cumbattenti hà tenutu una cunferenza di stampa clandestina  per dichjarà u so righjettu tutale di u prughjettu d’autonumia, dinunzià a criminalisazione di u Statu di u muvimentu di liberazione naziunale è affirmà a so intera determinazione à prò di l’interessi di u populu corsu. Issa cunferenza di stampa avviva d’altrò u dibbattitu nant’à a cumunità di destinu è ciò ch’ellu nè ferma.