Attualità

Inchiesta publica nant'à una dumanda d’autorisazione di spluttà una carriera di Verde d’Orezza

Un’inchiesta publica hè in corsu sin’à u 29 di marzu. Cuncerna a dumanda d’autorisazione di a sucetà corsa di ricerca è di valurizazione di e risorse naturale di spluttà una carriera di Verde d’Orezza nant’à a cumuna di Carchetu Brusticu in Castagniccia. Una spluttazione chì, secondu u Levante, puderebbe nuce à a biodiversità, u Verde d’Orezza essendu una petra emblematica di u patrimoniu geologicu di a Corsica. L’associu di difesa di l’ambiente hà emessu un avisu sfavurevule.