Attualità

Tiri nant’à l’usteria La Villa in Calvi, un omu messu in esame

Parechje persone sò state interpellate è messe in guardia custodia in u quadru di l’inchiesta aperta dop’à a scuperta di scrizzione è tiri d’arme nant’à u stabilimentu osteriaghju calvese. Un omu hè statu messu in esame è piazzatu in detenzione pruvisoria. Una seconda persona devia esse messa in esame in a serata.

I fatti eranu accaduti di maghju 2024. L’autori avianu tiratu à chevrotinate nant’à a facciata di La Villa, è vitture staziunate nentr’à l'accinta di u stabilimentu eranu state dannighjate da un incendiu. Scrizzione minacciose eranu dinù state fatte nant’à i muri di u bastimentu.