Attualità

Jean-Baptiste Arena scontra a ministra di l’Agricultura

U presidente di a camera d’agricultura di Corsica, Jean-Baptiste Arena, hè statu ricevutu da Anne Genevard. Numerosi cartulari sò stati evucati cum’è l’evuluzione di a pulitica agricula cumuna chì hè criticata in Corsica o a quistione sanitaria. Jean-Baptiste Arena hà dumandatu a creazione d'un associu sanitariu regiunale pè chì e decisione nant’à a gestione di e malatie è i cuntrolli rialisati in i porti è campi d’aviazione sianu e più vicine di e rialità. Una dumanda accettata da a ministra. U pianu “Ambizione” à prò di e filiere di pruduzzione in l’isula hè statu dinù sicurisatu. Dumane, Jean-Baptiste serà in Brusselle. A quistione di a PAC deverebbe esse in core di e discussione vistu chì ghjè à livellu europeu chì sò definite e regule di sta pulitica agricula cumuna.