Attualità

Kilian Feldbaush vince l'Internaziunali di Corsica

Tombula per i sguizzeri ch'anu vintu a finale simplice è quella in doppiu à l'internaziunali di Corsica.
In trè partite, appena cuntrariate da a pioggia, u sguizzeru Kilian Feldbausch s'hè impostu eri (tardi in a serata) contr'à l'austriaccu Joel Schwaerzler 6/3, 3/6, 6/4.
Una finale simplice di grande bellezza, chì hà chjusu a seconda edizione di l'internaziunali di Corsica urganisati da a Liga corsa di tennis à u centru territuriale di Lucciana, di più in più u teatru di cumpetizione di prima trinca

In doppiu, ghjè u coppiu sguizzeru compostu daJohan Nikles è Tanguy genier chì hà vintu contr'à l'indiani Prajwal Dev è Nitin Kumar Sinha (6/1, 1/6, 1/0)