Attualità

Michel Landi, creatore corsu d’affissi di cinema, si n’hè andatu à l’altru mondu

U creatore d’affissi, Michel Landi, originariu di l’Alta Rocca, si n’hè andatu à l’altru mondu à 93 anni in Annecy. Creatore di più di 1500 affissi, u so talente era rinumatu in u cinema, u teatru è a litteratura mundiali. In u 1986, hà ricevutu u César di u più bellu affissu pè u filmu “Harem” d’Arthur Joffé. Michel Landi era dinù un cullaburadore fidu di l’associu “La Corse et le cinéma” è di a Cinemateca di Corsica.