Attualità

Mortu di a marina di u Borgu: una sesta persona messa in esame

Chad Vela, 25 anni, interpellatu qualchi ghjonu fà in u rughjone pariginu, hè statu messu in esame per umicidiu da un magistratu istruttore bastiacciu, in u cartulare apertu per umicidiu dop'à a scuperta di u corpu di Markus Stauffacher, un sguizzeru d'una sessantina d'anni, nant'à a marina di U Borgu, u 29 settembre scorsu. A so morte serebbe rilativa à colpi è ferite.

Cinque altri giovani d'una vintina d'anni sò digià messi in esame in issu cartulare: Maxime Andrei è Mathis Gras per umicidiu, Cidji Vela è Anthony Chillon per cumplicità d'umicidiu. I quattru sò in detenzione pruvisoria. Elisa Malicet, messa in esame per mancanza d'assistenza à persone in periculu, è mancanza di dinunzia di crimine, hè piazzata sott'à cuntrollu ghjudiziariu.