Attualità

Mubilisazione contr'à l'interdizzione di parlà corsu à l'Assemblea di Corsica

I sindicati studiantini Ghjuventù Indipendentista è Ghjuventù Paolina si sò adduniti eri davant’à u Palazzu Naziunale di Corti pè cuntestà a decisione di a corte amministrativa d’appellu di Marseglia u 19 di nuvembre chi interdisce l’usu di a lingua corsa durante i dibattiti à l’Assemblea di Corsica. Una chjama à manifestà dumenica u primu di dicembre in Corti hè iniziata à nome di l’Unione di a Ghjuventù in Lotta. In Purtivechju è Bastia, liceani sò dinù mubilisati à l’entrate di i so stablimenti. Eri dopu meziornu, una trentina di giovani, facce cuperte, anu bluccatu l’entrata di a prefettura di Cismonte.