Attualità

Mubilisazione di l’agricultori : una delegazione serà ricevuta in Parigi

Eri l’agricultori si sò adduniti in Aiacciu, Bastia, Corti, Calvi è Sartè per fà sente a so zerga è mette a pressione nant’à u Statu nant’à a situazione di crisa vissuta da l’agricultori corsi. Dop’à cinque ore di neguziazione in e sfarente prefetture, i sindicali agriculi isulani anu ottenutu un appuntamentu in Parigi. U blucchime di i porti hè statu levatu versu 9 ore è mezu di sera. Però a mubilisazione si porebbe indurì in casu di risposte negative nant’à e so rivindicazione.