Attualità

Prigiò ferma per e viulenze in reunione in Linguizzetta

Dui giovani omi sò stati cundannati à sintenze di prigiò eri da u tribunale currezziunale di Bastia per viulenze in reunione cumesse à l’incontru di parechji membri di listessa famiglia à u principiu di u mese d’aostu, in Linguizzetta. E vittime di 22 à 80 anni, eranu state viulamente agressate è ferite assai, davant’à u so dumiciliu dop’à una litica stradale.  Ange-Marie Battini 27 anni hè statu cundannatu à trè anni di prigiò frà elli dui anni assurtiti d’un attempatu prubatoriu è Ange-Etienne Giuly, 20 anni, à dui anni di prigiò frà elli un annu cù attempamentu prubatoriu è dui anni sottumessi à parechje ubligazione. Orsu Griscelli 25 anni hè statu assoltu.