Attualità

In Naziunale 2, U FC Balagna hè statu disfattu in Hagueneau (2/1), malgradu un bon principiu di scontru. I balanini invinti dipoi più d'un mese sò stati surpresi da i decesimi à a classifica. I balanini fermanu terzi è Furiani, ondecesimi. Per a prussima ghjurnata Furiani riceve Fleury sabbatu è u FC balagna si dispiazza à Wasquehal dumenica.

In Naziunale 3, u Gallia Lucciana hè statu privu di vittoria da Beaucaire in l'ultimi minuti di u  scontru (3/3) mentre chì u FC Borgu hà persu in Dives (3/2)

Si ghjucavanu l’ottesime di finale di a cuppa di Corsica. Borgo hà vintu contr’à Biguglia 4 /1, Purtivechju s’hè impostu contr’à Ghisonaccia 3 / 2, vittoria di l’ECB contr’à u Gaz 1/0 , a Casinca s’hè qualificata à i penalti 5/4 contr’à u Svarr, infine vittoria di Bucugnà in Monticellu 3/1 è a Balagna in Furiani 1/0.

D’altro Corti (N3) si dispiazzava in Eccica Suarella (R1) per u scontru in ritardu di e sedecime di finale è a logica hè stata rispettata cù una vittoria di i curtinesi 4/ 2.