Attualità

Naziunale 2 : a ripresa

Eri sera u Gallia Lucciana hà fattu un risultatu paru 0 à 0 contr’à St Etienne in apertura di u campiunatu. Duminadori contr’à una giovana è disciplinata squadra di St Etienne, i luccianinchi ùn sò riesciuti à cuncretizà e so numerose situazione. 

In u gruppu H, u GFCA hè determinatu à lancià a so stagione cù a recezzione di Orleans. A squadra di Corti chì evulueghja quist’annu in u gruppu sfarente si dispiazza in Linas Monthlery.

In u gruppu D, u FC Balagna accoglie u Red Star in Sant’Ambrogiu per l’apertura di u campiunatu allora chì u SCB si dispiazza in St Ouen cù un gruppu cumpostu in gran parte di ghjucadori di menu di 20 anni.