Attualità

Novu prucessu di Julien Peretti

Eri in Aiacciu, Julien Peretti, pruprietariu di a riserva Saparella, era ghjudicatu pè a custruzzione senza permessu d’un baraccone. Un altru episodiu di u cunflittu chì l’oppone à l’associu U Levante, ch’avia dipositatu una lagnanza in u 2021 contr’à ellu, pè custruzzione illegale. S’associu accusa l’impresariu di Coti Chjavari d’avè stallatu un baraccone cumerciale ind’una zona incustruttubile senza permessu di custrui. L’avucata di Julien Peretti nega st’accusazione evuchendu a custruzzione d’una stufa agricula. U verdettu serà cunnisciutu u 17 di nuvembre.