Attualità

Prima Ghjurnata Lingua è a Cultura Corsa

Eri à l'Università di Corti s'hè tenuta a prima Ghjurnata Lingua è Cultura Corsa in l'anfiteatru Ribellu, induve attori assuciativi, prufessiunali, studianti, pulitichi è universitarii, anu scambiatu nant'à l'avvene di a lingua è a cultura corsa in l'insignamentu.

Parechji attelli tematichi sò stati pruposti à i studienti, nant'à l'insignamentu immersivu è l'attrazzi pedagogichi dedicati à a lingua corsa. Hè messu cusì in risaltu u rollu ch'ella deve tene in a cuezione suciale. L'Adecec era prisente per parlà frà altri di a so appiegazione INFCOR, banca di dati accessibile nant'à ordinatori è telefunini.

Issa ghjurnata hà messu in risaltu a mubilisazione cullettiva ch'ella necessiteghja a lingua corsa per a so perennisazione à fine d'assicurà a so trasmissione è u so usu cutidianu.

Hè statu dinù prisentatu u futuru master bislinguu, destinatu à tutti i studianti chì bramanu di diventà prufessori di e scole, cunfirmendu a vulintà cumuna d'integrà a lingua corsa in a furmazione di l'insignanti è indì u sistema educativu.