Attualità

Prucessu per viulenze nant’à un ciucciu: u verdettu aspettatu sta sera

Dipoi u principiu di a settimana, un coppiu cumparisce liberu davant’à a corte d’assise di Bastia per a morte di u so ciucciu di 4 mesi è mezu. U babbu nega tutt’atti di viulenza nant’à u criaturu mentre chì a mamma u designa rispunsevule di e viulenze fisiche ch’anu cunduttu à a morte d’Hayden, u 29 di ghjennaghju di u 2021 in un uspidale di Nizza. Tutte e spertizie s’accordanu per dì chì e lesione sò cunsecutive à un intervenzione umana micca accidentale. U verdettu hè aspettatu sta sera.