Attualità

Prugettu di distruzzione di l'usina di Canari

L’usina di tigliu di Canari deve esse distrutta. U Statu hà incaricatu l’Agenza di trasizione eculogica di u cantieru di distruzzione, ineditu in Francia, chì deverebbe principià in u 2025. L’ogettivu hè di sicurizà u locu minacciatu da un sfundamentu pussibule. In stu situ, cugnumatu “l’infernu biancu”, cunsideratu cumè u  più grande situ di spluttazione di u tigliu in Francia è u più grande situ industriale di l’isula, induve numerosi operai sò morti per via di l’abestosa, una malatia di l’apparechju pulmunariu.