Attualità

Un babbu è a so figliola s’anneianu in Nova Caledonia

Una famiglia aiaccina hè addulurata da un drama accadutu in Nova Caledonia. Pascal Deiana 44 anni aiutante capu di l’armata di l’aria è a so figliola Elena 14 anni sò morti annigati u 10 d’aprile in Yaté mentre un bagnu in famiglia. Babbu è figliola si bagnavanu inseme quandu a zitella hè stata chjappa in una buriana marina. Circhendu à porghjeli aiutu u babbu s’hè anneiatu cù a so figliola, sott’à l’ochji di a mamma di famiglia è d’amichi

Pascal Deiana facia parte di una famiglia aiaccina assai cunnisciuta. Compia un sughjornu d’affettazione di trè anni in Nouméa è s’approntava à raghjunghje a Corsica è a basa di Sulinzara