Attualità

Risultati di Naziunale 2 è 3

In Naziunale 2, u FC Borgu ùn hà pussutu fà megliu che di cuncede a partità (1/1) à a squadra di Wasquehal ch'ellu ricevia à u cumplessu Paulu Natali. I burghisgiani si mantenenu à a quinta piazza di a classifica, è si dispiazzeranu in Hagueneau sabbatu prussimu per a quinta ghjurnata di u campiunatu.

Furiani hè strappatu u puntu di a parità nant'à u campu di ghjocu di Beauvais (2/2), fendu prova di caratteru. Furiani occupa l'8ima piazza di a classifica è s'appronta à riceve Dieppe, dumenica 14 di settembre in chjuditura di a quinta ghjurnata.

In Naziunale 3  : in u gruppu D, u Sporting Club di Bastia s'hè impostu 3/0 contr'à Bretigny in Armand Cesari è si stalla à a terza piaeza di a classifica, cù un scontru di menu.

In u gruppu E  FC Balagna hà fattu partità  in Vimy (1/1), u  GFCA cunfirma u so bellu principiu di campiunatu è rivene da Metz cù a vittoria (1/2), 

In u gruppu H u Gallia Lucciana chì si  dispiazzava in Fos sur Mer rivene cù una vittoria preciosa (1/3), a prima di a stagione, acquistatta cun assai efficacità.