Attualità

Un giovanu gravamente feritu durante una baruffa in Bastia

Una baruffa hè accaduta in a notte da ghjovi à venneri in u centru di a cità di Bastia, induve un giovanu di 19 anni uriginariu di Loretu di Casinca, hè statu gravamente feritu à cultellate è un altru menu feritu. Un’inchiesta pè viulenze vuluntarie aggravate hè stata aperta è cunfidata à a direzzione interdipartimentale di a pulizza naziunale. L’autore di a cultellata s’hè prisentatu eri à u cummissariatu di Bastia induv’ell’hè in guardia custodia è l’investigazione si pruseguenu per determinà e circustanze d’issa viulente baruffa. A a chjama di u muvimentu di strema diretta Forza Nova, un’addunita s’hè fatta eri sera davant’à u cummisariatu di Bastia