Attualità

Rolland Courbis si n’hè andatu à l’altru mondu

Rolland Courbis figura emblematica di u ballò francese si n’hè andatu à l’altru mondu à l’età di 72 anni. Hà cunsacratu a so vita à u ballò cù talente, umanità è passione ch’ellu sia cum’è ghjucadore, allenadore o cunsultante.  Hà sappiutu trasmette u so amore di u ballò , a cultura di u travagliu, l’impurtanza di u cullettivu, u rispettu di u ghjocu è di i ghjucadori senza scurdassi di u piacè. Rolland Courbis hè statu allenadore  di numerose squadre frà elle Montpellier, Bordeaux, Toulouse mà dinù l’ACA durante e stagione 2001- 2003 è 2004-2006. Era dinù statu ghjucadore di l'ACA à principiu di l'annate 70. A squadra aiaccina hà sprimatu a so prufunda tristezza à l'annunziu di a sparizione di Roland Courbis amintendu u so primu scontru cun a mailletta rossa è bianca, contr'à l'OM in Timizzolu d'uttobre 1972. L'attacamentu di Rolland Courbis per l'ACA ùn hè mai sminuitu