Attualità

Salvamentu nant'à u GR 20

I gendarmi d’alta muntagna sò intervenuti marti sera nant’à a parte nordu di u GR 20 pè succorre una donna di 71 annu chì si truvava in grande difficultà dop’à esse stata staccata di u so gruppu. Di notte bughja a donna hè stata salvata da a squadra di succorsi di muntagna è evacuata versu u centru uspitalieru d'Aiacciu. L’operazione hè stata periculosa per via di i venti viulenti, ma i i succorsi puntanu soprattuttu l’incuscenza, l’imprudenza è a mancanza di sulidarità rivelate da issa gattiva avventura.