Attualità

U diluviu in Corsica è un drama in Ghisunaccia

A situazione in alerta rossa d’una rara intensità per timpurali viulenti hà avutu cunsequenze dramatiche in u Fiumorbu induv’è un omu di 65 anni hè smaritu eri in principiu di dopu meziornu. U so veiculu hè statu paratu da un torrente d’acqua è di fanga. Hè statu ritrovu senza vita in Ghisunaccia in fine di serata. Un'altra persona era à bordu di u veiculu chì hè riesciuta à sortene per mettesi in securità.

In Prupià sei persone sò state succorse à bordu d’un battellu à vela, frà elli dui zitelli. L’episodiu meteorologicu viulente hà incausatu numerosi disguasti nant’à l’isula. Parechje strade sò state tagliate o sfundate, arburi sradicati, lochi summersi d’acqua, milliaie di case prive d’elettricità. In trè ore hè piossu nant’à a cumuna di Sulinzara 420 millimetri. Un sciffru chì franca largamente i 344 mm d’acqua chi eranu fallati in Valleraugue in u Gard. 

Per a prima volta u sistema d’alerta è d’infurmazione di e pupulazione hè statu operatu da a prefettura di Cismonte.