Attualità

Senaturiale : sette candidati per riprisentà l’isula à u senatu

A chjuditura di i depositi di candidatura per l’elezzione senaturiale hè stata ufficializata eri sera. Trè candidati sò prisenti  in Cismonte è quattru in Pumonte chì cherenu di riprisentà a Corsica à u Senatu.  In Cismonte Paulu Santu Parigi attuale senatore hè u grande favuritu à a so successione, serà oppostu à Nicolas Battini cunsiglieru municipale  d’opposizione in Bastia  è porta parulla di l’unione di i patriotti uniti à u RN è l’UDR è  Jean-Hugues Robert, un curtinese dettu u baron Mariani, iscrittu senza etichetta.

In Pumonte Jean-Jacques Panunzi si riprisenta per un terzu mandatu induv’ellu serà cunfruntatu à e candidature di Jean Giuseppi merre di Figari, Christophe Versini novu delegatu territuriale RN è René Pérès sott’à a banniera di a sucetà civile.