Attualità

Sessione à l’Assemblea di Corsica

Un raportu in quant’à a calata di u prezzu di l’abbunamenti serà vutatu oghje. Un cartulare purtatu da a magiurità territuriale pè l’agricultori di i settori in tensione. Un raportu chi sbuccia dopu parechji mesi di discussione è di tensione cù l’agricultori.

L’Assemblea hà validatu, eri dopu meziornu à l’unanimità, sei raporti cuncernendu e Delegazione di Serviziu Publicu (DSP) pè a gestione di i campi d’aviazione di Calvi, Aiacciu, Bastia, Figari, è a gestione di u portu di cumerciu di Bastia pè una durata di 15 anni à parte da u primu di ghjennaghju di u 2026. Sò stati vutati dinù i statuti di u stabilimentu publicu di u cumerciu è d’industria di Corsica chi rimpiazza a CCI. L’opposizione hà criticatu in modu generale, l’incertezza finanziaria in un cuntestu di crisa bugettaria naziunale, a cuncentrazione di i puteri è l’accatastera di e cumpetenze à a CDC.

Infine, a cumissione contr'à a maffia, decisa à u mese d’ottobre, serà stallata sta mane pè una sucetà corsa libera, appaciata è demucratica. Si ferà u spostu di i mutivi di a so azzione è di e so obligazione, e mudalità di travagliu è i primi sugetti di riflessione à trattà.