Attualità

Si n'hè andatu à l'Eternu Vincent Ciccada, militante culturale è puliticu

S'ampara cun assai tristezza a morte di Vincent Ciccada, unu di i fundatori di a radiu Frequenza Nostra, vicipresidente di a federazione corsa di e radiu assuciative è attore di u giurnale U Taravu. Hà cunsacratu a so vita sana à a salvezza di a lingua, à u sviluppu serenu di a Corsica chì li tenia tantu in core. Era dinù militante naziunalistu è ecologistu, elettu cunsiglieru territuriale di Corsica Nazione, durante u scrutinu di 1992 è cunsiglieru municipale di Grussetu Prugna. Un omu impegnatu cun core in u sviluppu di u so paese, di a Corsica, militante culturale è putilicu, tercanu di mondu assuciativu, à amicu sinceru.
E so esequie seranu celebrate stu dopu meziornu à 3 ore in chjesa di Pila Canali.