Attualità

Sò compii i campiunati di Naziunale

In Naziunale 2, missione riesciuta per  Furiani a squadra di Romain Paturel chì compie a stagione à a quinta piazza di a classifica dop'à a so splendente vittoria contr’à Saint Pryvé (5/2 ) è trè segni di Axel Thoumin.

U FC Borgu  chi si dispiazzava à Bourges, squadra in lotta per a seconda piazza, hà persu 2/0, tenendu capu à una di e migliore squadre di a prova. U FC Borgu compie issa stagione cù u sentimentu di u duvere cumpitu

In naziunale 3, GFCA hà mancatu a so surtita in casa soia è persu contr'à Amiens,  squadra rilegata, 0/1. U SCB si dispiazzava à Caen è hà vintu cun legitimità u so duellu di squadre riserve (1/2). U Gallia Lucciana  hà compiu a stagione cù a parità contr’à a lanterna rossa Cassis-Carnoux (2/2). U FC Balagna chì viaghjava in u nordu per affrontà Lilles, a squadra campione, hà persu 3 à 0. Per i balanini l’ora hè digià à a finale di cuppa di Corsica contr’à Bastelicaccia, u 31 di maghju prussimu.

Tutte squadre corse sò assicurate di prusegue a so avventura spurtiva à u so livellu di cumpetizione.  A prussima stagione, cù a numinazione di a Liga 3, i campiunati di naziunale diventanu naziunale 1 è 2.