Attualità

Sparizione di u merre corsu André Santini

Uriginariu da Serriera da a parte di a so mamma, è d’Ota da quella di u so babbu, André Santini, l’emblematicu merre d’Issy les Moulineaux dipoi 1980, s’hè spintu à l’età d’85 anni. Al di là di u so impegnu puliticu, era cunnisciutu per a so passione per i cigari è u so spiritu maliziosu à l’usu corsu. Omu di cultura, hè statu un merre custruttore. A so carriera pulitica s’hè scritta in u rughjone pariginu, senza mai cuntribuì à i dibattiti nant’à a Corsica, ch’ellu tenia purtantu in u so core.