Attualità

Testimunianza di u pentitu Giovannoni à u prucessu di Michaël Ettori

Eri a corte d’assise di e bocche di u Rodanu chì ghjudicheghja Michaël Ettori pè associu di malfattori in u quadru di l’appruntera di l’assassiniu di l’avucatu Antoine Sollacaro, audiziunava u pentitu Patrick Giovannoni ma dinù André Bacchiolelli, membru di u grande banditisimu.  L’audienza audiovisiva di u pentitu hà cunfirmatu a prisenza d’un gruppu urganisatu è apertu à a corte u daretu di scena di a banda criminale. André Bacchiolelli, prisente in qualità di testimone, chì hà fattu appellu di a so cundanna di trent’anni pè stu crimine, n’hà prufittatu per pruclamà a so nucenza.