Attualità

U cantadore Tintin Gambiani ci hà chittati

S’ampara cun tristezza a morte di u cantadore corsu Tintin Gambiani à l’età di 79 anni. In l’annata 70 era statu premiatu da u gran premiu di a voce d’oru in Antibes, cù a canzona Dolce Nostalgia. Hà cunsacratu a so vita à u cantu, a musica è u ballu, sapendu adattassi à sonorità più muderne à parte da u 1988 cù a surtita d’un 33 giri jazzy è new wave intitulatu “Terra di l’omi”. Tintin Gambiani era dinù un amurosu di natura è di u so paese caru di Furiani induve seranu celebrate e so esequie luni à 2 ore è mezu, in chjesa san Ghjuvan Battistu