Attualità

U cunflittu in i trasporti marittimi s’indurisce

Sta mane, i battelli di a Corsica Ferries ghjunghjendu in Aiacciu è Bastia sò sviati versu Pruprià è L’Isula. A seguita di sta mubilisazione dipenderà “ da e risposte” à i marinari. A CGT Marinari di Corsica Linea hà cunfirmatu dunque a cuntinuità di a greva principiata dipoi luni. U sindicatu punta “l’assenza di risposte à a lettera aperta” è u silenziu di u ministru di i Trasporti in quant’à l’organisazione d’una reunione d’urgenza in prefettura. Un altru sindicatu di marinari, u SAMMM hè entratu in azzione, ritardendu a partenza di i battelli di Corsica Ferries in i porti di Bastia è Aiacciu.

Una riunione hè prevista oghje in Marseglia in prisenza di e sfarente partite cuncernate. L'uffiziu di i trasporti s’arricumanda dinù à u Statu pè ottene una reunione à u ministeru.