Attualità

U prete di Livia dinunzia un agressione è riceve scuse

U prete Pierre Pio hà dinunziatu in un messaghju publicatu nant’à a so pagina facebook, esse statu vittima d’un agressione, cumessa da trè giovani. I fatti so accaduti sabbatu scorsu, cumessi da trè sgaiuffi senza fede nè legge ch’anu cercu hà sfundà a porta di u presbiteriu. Uriginarii di a micro regione i giovani identificati anu prisentatu e so scuse è ricunnisciutu l’atti cummessi. U prete hà rivecutu u sustegnu unanimu di l’abitanti di l’Alta Rocca.