Attualità

U prugramma di i scontri di Naziunale 2 è 3

In naziunale 2 Furiani riceve sta sera à 6 ore à Biesheim è principia una seria di cinque scontri chi s’annunzianu di primura pè a seguita. U FC Borgu ghjoca in Thionville à 6 ore dinù, contr’à u primu di Naziunale 2, invincivule in casa soia.

In Naziunale 3, gruppu E, u GFCA, in principia l’annu in Mezavia contr’à Charleville. E duie squadre sò in testa di a classifica. Indebulitu da parechje assenze, l’aiaccini averanu bisognu di u sustegnu di u publicu. U FC Balagna, ultimu di a classifica si dispiazza à Croix, è principia i scontri di lotta per u mantenimentu.

In u gruppu D, u SCB terzu, ghjoca nant’à u terrenu di u Racing Club di Francia, u primu di u campiunatu. I bastiacci rasserenati da a so vittoria contr’à Chartres, devenu cunfirmà e so ambizione.

In u gruppu H, u Gallia Lucciana, ultimu, vole rilancià a so stagione cù a ricezzione di Beaucaire, oghje à meziornu.