Attualità

U puntu nant’à i fochi di Cismonte

Eri i fochi eranu sempre attivi in Corsica abbisognendu impurtanti dispusitivi di spinghjifochi da curà è ammaestrà e riprese. In Corti si tratta d’un focu guasi ammaestratu nant’à l’inseme di i settori. In Albertacce a mubilisazione ferma pè trattà e riprese ricurrente, cun l’aiutu  d’elicotteri sguizzeri. In Biguglia u focu hè ammaestratu ma riprese puntuale abbisognanu intervenzione terrestre. Dui incendii più minori si sò aghjustati eri à a carica di travagliu di i spinghjifochi. In Mansu, u focu picciatu in un locu difficiule d’accessu hà mubilizatu elicotteri è in Ghisunaccia duve solu un ettare hà brusgiatu, l’incendiu ferma sott’à surveglienza.