Attualità

U verdettu prununziatu à u prucessu per trafficu d’arme

Dop’à trè settimane d’audienze, cundanne sin’à sei anni di prigiò sò state decise da u tribunale currezziunale di Marseglia à l’incontru di 22 persone pè un trafficu d’arme trà a Corsica, a Sguizzera è a Sardegna. Decisione assai sottu à quelle richieste da a procura. Appien Coti, u pruprianese cunsideratu à l’urigine di u trafficu hè statu cundannatu à sei anni di prigiò fermi è 30 000 euri d’amenda, Dominique Pietri à cinque anni, Alexandre Carestiatto à quattr’anni di prigiò. Joseph Mocchi hè statu assoltu cume cinque altri prevenuti.