Histoire(s) en Mai da u 13 à u 24 di maghju

U festivale di a Storia è di a finzione storica mette quist’annu in risaltu l’irunia, a distupia è u rumanzu cù l’autori Yves Ravey, Pierre Bayard, Léo Battesti, Pierre-Antoine Marti…

A u prugramma, a spassighjata rituale Salvatore Viale, ogni volta nova, pè una scuperta di Bastia in musica u 16 di maghju cù in particulare Patrizia Poli, Pascal Arroyo, Vittorio Marchesi, Léa Martini, L’Archetti Bastiacci…

U 17, un scontru à a casa Salvini di L’Isula

I 18 è 19 di maghju, un viaghju in trenu Aiacciu-Bastia-Aiacciu, pè un’arretta in Venacu. Durante u tragettu, v’aspettanu numerose attività culturale (quistiunariu, perfurmenza artistica, disegni di viaghju) 

U 24 di maghju, a bibliuteca patrimuniale Préla in Bastia prevede una Ghjurnata di studiu internaziunale nant’à u libru “Canti corsi” di Niccolò Tommaseo cù parechji invitati. Stu libru hè u primu nant’à a culletta di canti, di puesie pupulare è di pruverbii corsi. Un’opera essenziale pè cunnosce u patrimoniu immateriale di l’isula, l’anima di u populu corsu. 

A giuventù ùn serà micca sminticata cù scontri pè i giovani in stabilimenti sculari di Furiani, U Borgu, Bastia, Biguglia, Folelli, Velone Ornetu, L’Isula…

Di più infurmazione : https://histoiresenmai.corsica/