Attualità

Battaglia ghjuridica ingiru à e municipale

U tribunale amministrativu di Bastia hà esaminatu eri mane casi di cuntenziosi in leia cù l’elezzione municipale di marzu scorsu. U rapurtadore publicu hà chersu l’annullazione di l’elezzione nant’à a cumuna d’Arbellara ghjustificata da l’assenza di reunione di a cumissione eletturale. In l’altri affari cuncernendu e cumune di Pedicroce, Linguizzetta, Monaccia d'Auddè o Zonza, u rapurtadore hà richiestu u ricusu di i ricorsi presentati à u tribunale. A decisione hè aspettata da quì à 14 ghjorni.