Attualità

Campiunati di Corsica di tennis : 230 ghjucadori per 34 tituli

Dipoi eri è sin’à luni u centru territuriale di tennis in Lucciana accoglie i 40 imi campiunati di Corsica chì adduniscenu 230 ghjucadori. In seconda seria, si nota l’assenza di u campione in titulu Bastien Prod’homme. Indè e feminile, Lola Tremellat, à più giovana campione di Corsica di seconda seria, hè prisente per difende u so titulu. Oghje hè urganisatu dinù u primu campiunatu di Corsica di a disciplina Pickleball. Dumane, entreranu in ballu e giovane categurie di u Galaxie.

Luni serà ghjornu di finale, nant’à u corsu centrale di u centru territuriale, induve u tennis isulanu festighjeghja 40 anni di passione.