Indè noi

Cunferenza di Pierre Joseph Ferrali è di i riprisentanti di l’Edizione Omara à l’occasione di l’esciuta di u rumanzu « Le serment des apothicaires »

Discorsu d’apertura di u presidente Ghjacumu Paoli è prsidentazione di u scrivanu: 'L’ADECEC tene à ringrazià  oltre Pierre-jo, à Marcu Biancarelli è Ghjuvan‘ Iviu Acquaviva scrivani è éditori di a nova casa editrice Omara per e so participationi à st’acolta. Prima di tuttu, je ne suis ni un littéraire ni un lettré. Aghju ghjustu, mi pare u sensu è u spiritu chì ci vole.

Diceria, per chì fà?

Per fà chì i nostri fundamenti, ben chè straziati, sianu rispettati. Per chì a ghjuventù in ciò chì tocca à a so lingua, u so rughjone, è so brame, a so cultura fatta di tante lacrime, possi pisà u capu. Per chì u so paese veru sia uguale  à quellu di I so sogni,. È sopratuttu per chì i cuntenuti piglinu u passu nantu a u cutenante.

Mà

Ùn mi fate micca dì ciò ch’ùn vogliu dì. Ùn n’aghju micca dettu basta à fassi capì, u puntu altu ferma u pensamentu. Innò issa manera di scapà ùn mi và micca. Tuttu ghjè arte, simu tutti l’operaghji di u nostru destinu. A lingua serebbi per noi, corsi, a nostra bandera, per issu puntu , ma non solu, merita tuttu u nostru rispettu. Però, ùn pudimu esse à l’incontru di ciò chè nò bramemu : A libertà in ogni cose: a libertà di pensamentu, d’andatura , di scelta...

A libertà di vita.

Certi anu criticatu quelli chì sapendu scrive u corsu, scrivenu in Francese. Serà megliu pensà corsu et dilla in Francese, o pensà Francese è dilla in corsu ?

Micca più tardi chè eri sera ,  ghje statu mentuata una pensata di Natale Luciani. Dicia: serà megliu à pensà corsu o pensà in corsu. Ci campemu. « Gros dilemme » dicenu i francesi. Petru Ghjiseppu Ferrali, scrivanu cerviunincu

Prisentà Pierre Jo, quì in u so paese, hè  quasi inutile. Ammintemu chi a prima paruzione di Pierre Jospeh Ferrali hè stata stampitata è edidata à l’usu mezi militanti, da l’ADECEC in u 2000. Si tratta d’una racolta di nutiziale scritti per a radiu Voce Nustrale, è chi 25 anni dopu anu quasi valore storicu. Pierre-Joseph Ferrali, hè prufessore di Lingua è Cultura corsa, chì giovanotti è giovanotte cerviuninchi anu a furtuna di contà frà a squadra pedagogica di u so cullegiu. Cun ellu, si sà chì l’insignamentu di a lingua corsa caminerà in u bon sensu.

Pierre Joseph Ferrali hè dinù u scrivanu. Un eserciziu ch’ellu apodra dipoi quasi 20 anni, cun successu: 2009 a traduzzione di e canzone di Brassens (eserviziu induv’ellu hà pussutu sprimà u so estru pueticu) ; 2010, una racolta di nuvelle ; 2015, u so primu rumanzu « Fintantu chì l’erba crescerà” riceve u premiu di I lettori da a Culletività di Corsica. Traduttu in lingua franecse, u rumanzu ottene u Premiu Ulysse di u primu rumanzu da Arte Mare è una menzione speziale à a Mostra di u Libru Isulanu d’Ouessant in 2016; 2017 esce Austina chi ottene u Premiu di u libru da a Culletività di Corsica in a categuria creazione literaria in lingua corsa. In 2020 esce Les couplets de folies, traduzione in lingua francese d’Austina

E po, quist’annu, un novu rumanzu « Le serment des apothicaires », in lingua francese, esciutu ind’è Omara, giovana casa d’edizione riprisentata oghje da Marcu Biancarelli è Jean-Yves Acquaviva.

Issu rumanzu piglia radica in fattu accaduti. Hè a storia d’un speziale (un farmacistu) chì sceglie di campà in u ghetto di Cracovia per porghje aiutu à i ghjudei chi ci si trovanu chjosi. Trè giovane donne l’accumpagnanu. Cun elli u lettore si trova in immersione tutale in u mondu cusì affanosu di i ghetto.