Indè noi

L’Adecec, è a so casa di a lingua, anu festighjatu a lingua, in teatru, puesia, canti, cantu in paghjella è musica !

Una seguita data à u spettaculu di a ghjunta di u Re Teodoru in Cervioni, postu chi Luiggi, issu persunaggiu assai in vista di a pezza prisentata annu, hè di ritornu… ci hè vulsutu l’estru inventivu di Stéphane Giannecchini per fallu rivene ! 

 

Teatru è lingua so vettori di prima trinca per festighjà a lingua. Un caminu creativu chi apre nant’à tanti è tanti arti : a cumedia, u cantu, è a musica.

Nant’à scena, paisani, chjuchi è maiò, impegnati in issa pezza « Mininchichje cerviuninche », scritta è messa in scena da Stephane Giannecchini chè no ringraziemu.  

 

Altru scopu d’issa riprisentazione, hè di dà vita à u fragnu risturatu in u quadru di u prugramma europeu Racine.  A radica, in u sensu patrimoniu à prò di l’essere paisanu. Issu fragnu che no vulimu locu di memoria, è locu di spartera. L’appuntamenti ùn ci mancheranu in i mesi à vene!

A ringrazià l'attori Juju Giannini, Maria Laura Ferracci, Francescu Raffalli, è Stefanu Giannechini.
I recitanti di puesie, Paola Agostini è Alex Nicolai.
I canterini è musicanti: Charles Contri, Claude Mazzieri, Elena Danelian, Lisandru Bellagamba, Nathalie Simonetti è i zitelli di l'associu Ghjuventù cerviuninca.
L'elevi di l'atellu di paghjelle di a Casa di a Lingua di L'Adecec cun Ghjuvan Camellu Pasquali

E ch'ella campi a nostra lingua !