Indè noi

Hè natu u primu Dizziunariu unilinguu in Lingua Corsa

A creazione d’un dizziunariu corsu unilingua per i liceani à l’occasione di a prova di u bascigliè, era un scopu primurosu di u rettore di l’accademia di Corsica, Remi-François Paolini. Hè cusì natu u primu dizziunaziu unilinguu, arnese di trasmissione per riflette è scrive in lingua corsa.

 U dizziunariu hè statu ufficialmente prisentatu è uffertu eri mane à i liceani di u stabilimentu Letizia Bonaparte in Aiacciu, cume risorsa per cumpone à a prova scritta di u bascigliè. Più chè un bisognu, issu dizziunariu era una necessità. 

Hè statu ricacciatu da a banca di dati INFCOR di l’Adecec, è cuncepitu da Canopè. L’accademia di Corsica s’hè felicitata d’issu partenariatu ch’hà permessu di cuncepisce issu primu dizziunariu unilinguu, lascita viva chì apre a strada à edizione arrichite ch’ùn steranu tantu à vene.