Attualità

Intemperie: i ghjorni dopu cunsacrati à a ricustruzzione

Per l’abitanti di u rughjone di Purtivechju ghjè a longua ricustruzzione murale è materiale chì principia dop’à dui ghjorni di forte intemperie ch’anu incausatu a morte d’un coppiu di ritirati, dannighjatu case, strade, ponti, è ghjente. Un fracassu induve a sulidarità hè stata una vera sintinedda di pettu à l’addisperu è l’angoscia. Si ritenerà principalmente l’attu di curagiu di u suldatu di u focu intervenutu per salvà a donna di 50 anni, passagera di u veiculu induve i so parenti si so anneiati. A so azzione hè stata qualificata eroica da u merre Jean-Christophe Angelini.