Attualità

Liga 2: bella serata per e squadre corse

U SCB vincidore in Guingamp (0/1) è l'ACA chì batte Caen in Timizzolu (2/1), si po dì chi e squadre corse anu fattu un bellu passu versu u so mantenimentu in Liga 2 a stagione prussima.
U SCB hà firmatu una terza vittoria fora di Corsica, è un quartu scontru senza disfatta di fila. In Guingamp, i turchini, oramai 13 imi, sò stati d'una sulidarità tamanta è anu sappiutu esse decisivi. Marti sera in Furiani, contr'à Concarneau, ci vorrà cunfirmà.
L'ACA hà firmatu un doppiu successu in casa soia è piglia definitivamente, o guasi, a distanza cù a zona di relegazione. 11imi à a classifica, l'aiaccini si dispiazzanu in Valenciennes, l'ultimu, marti sera.