Attualità

Muzione di sustegnu à u rettore à l’assemblea di Corsica è presentazione d’un raportu offizialisendu a creazione d’una cumissione contr’à a maffia

A nutizia di u prughjettu di  mutazione di Rémy-Francois Paolini hà suscitatu a reazzione cullettiva di l’eletti di Corsica. S’ella hè stata attempata da u primu ministru, sin’à quandu ùn si sà, l’assemblea di Corsica hà sceltu  l’anticipazione vutendu à l’unanimità una muzione sulenne di sustegnu à u rettore di Corsica, fervente defensore di a lingua corsa.

L’Esecutivu deve presentà oghje un raportu offizialisendu a creazione d’una cumissione contr’à a maffia. Un’iniziativa chì rallegra i cullettivi impegnati contr’à a criminalità organisata ma chì fermanu quantunque prudenti nant’à a so cumpusizione è a so efficacità.